SPECIAL CHAPTER: Unfinished Games

Nanghihinang bumangon si Sin mula sa kama. Matalim ang mga tingin niya kay Seth na kasalukuyang nagbibihis dahil sa dadaluhan nitong conference meeting sa umagang iyon. Hinayaan niyang dumulas ang puting tela na nakabalot sa katawan niya. Lumantad ang malalalim na mga marka sa kanyang katawan, tila parusa ng buong magdamag. Ilang gabi na siyang kinukulong ni Seth sa silid nito. Hindi na niya magawang lumabas dahil wala na siyang lakas para daluhan ang mga lakad niya. Nakakapagpahinga lamang siya sa umaga kapag wala si Seth, subalit pagsapit ng gabi, nasa kanya ang buong atensiyon nito.

“Anong ibig sabihin nito? Hindi ka man lang magpapaalam sa asawa mo?” tanong ni Sin nang makita niyang iniiwasan ni Seth na mapatingin sa kanya.

“S-Sin, hindi ako pwedeng malate sa meeting na ’to,” may himig na pakiusap ni Seth, ngunit makikita sa mga mata nito na gusto na naman nitong tanggalin ang pagkakatali ng necktie upang muling dagdagan ang mga marka sa katawan ng kanyang asawa.

“Then go. Pero huwag mo akong hahanapin kapag bumalik ka at nadatnan mong wala na ako.”

Walang salitang nilapitan ni Seth si Sin sa kama at niyapos ito ng mariing halik. Hindi pa ito nakuntento at kinulong ng mga palad nito ang dibdib ni Sin hanggang sa dumausdos ang mga labi nito sa leeg at balikat ni Sin, upang bigyan ng panibagong marka ang balat na nadaanan ng kanyang bibig kagabi. Tuluyan nang nawala sa isip ni Seth na naghihintay sa kanya ang mga board member ng Valcarcel Group.

Hinigpitan ni Sin ang pagkakahawak niya sa kwelyo ni Seth at binigyan niya rin ito ng malalim na marka sa leeg bago niya ito tinulak palayo sa kanya. “Anong sasabihin ni Dad kapag nalaman niyang nagiging iresponsable ka sa trabaho mo?”

Hirap na tinantanan ni Seth ang katawan ng asawa, ngunit muli niya itong binalikan at binigyan ng magaang halik sa labi. “Wife, you’re so cruel.”

Napapangiting inayos ni Sin ang kwelyo ni Seth at tinakpan ang markang iniwan niya. “I’m extremely high maintenance, so you need to work hard if you want to keep me.”

“Then let me keep you a bit longer.” Muling binalikan ni Seth ang labi ng asawa at siniil ng mainit na halik.

Nang makaalis si Seth, doon lamang napilitan si Sin na umalis ng kama para mag-shower. Tinawagan niya si Leo na dalhin na lamang sa kanya ang lahat ng dokumentong kailangan niyang pirmahan.

Pinag-aaralan ni Sin ang mga papeles na binigay sa kanya ni Leo nang tumawag si Axel.

“Sin, I have a problem.”

“What does it have to do with me?” sagot ni Sin habang pinipirmahan ang isang kontrata.

“Of course! It has something to do with you! Kung hindi mo ginalaw ang may-ari ng La Costa Hotel, hindi ako magkakaroon ng problema ngayon.”

“What are you talking about?” Binaba ni Sin ang mga hawak na papeles at binigay ang buong atensiyon niya sa kaibigan.

“Huwag mong sabihing nakalimutan mo na si Cade, ang isa sa mga ex mo?”

Napakunot ang noo ni Sin. “What about him?”

“Sin! Hindi lamang siya chef ng La Costa Hotel kundi siya ang may-ari nito!”

“And?” tanong ni Sin na hindi nagpakita ng anumang interes.

“May malaking okasyon na gaganapin ang kumpanya ko sa hotel niya. I already made a preparation and everything has been organized, but he canceled it!”

“Bakit hindi ka na lang maghanap sa iba? Sasabihan ko si Leo na buksan ang buong venue ng Laurel Hotel para lang sa’yo.” Tukoy ni Sin sa hotel na pag-aari ng Valcarcel Group.

“Kung pwede ko lang gawin ’yan, hindi na ako hihingi ng tulong sa’yo. Pero ito ang napili ng investor namin. Alam mo kung gaano kahalaga sa akin ito, Sin. Kapag pumalpak ako dito, tiyak na hindi na ako bibigyan ng second chance ni Dad. Hindi ako papayag na saluhin muli ni Kace ang kapalpakan ko.”

“Anong gusto mong gawin ko?” Tanong ni Sin na, sa kabila ng lahat, ay hindi kayang tiisin ang kaibigan.

“Pwede mo ba siyang kausapin para sa’kin?”

Mariing pumikit si Sin. Si Cade—ang huling naging lalaki bago siya tuluyang naikasal—ang lalaking minsang nilaro niya.

Panahon na siguro para linisin niya ang kalat na iniwan niya. Dahil kung hindi, baka dumating ang araw na ito ang magdulot ng gulo sa mundo nila ni Seth.

Series Navigation

<< CHAPTER 18: The Final Vow